ಮಂಗಳೂರು : ಸ್ವಾ.  ಸಾವರ್ಕರ್ ಬಗ್ಗೆ ಅಶ್ಲೀಲವಾಗಿ ಪುಸ್ತಕವನ್ನು ಬರೆಯುವ ಲೇಖಕ ಹಾಗೂ ಅದನ್ನು ಪ್ರಕಾಶಿಸುವವರ ಮೇಲೆ ಕ್ರಮಕೈಗೊಳ್ಳಿ, ಅದೇರೀತಿ ಆ ಪುಸ್ತಕವನ್ನು ದೇಶಾದ್ಯಂತ ತಕ್ಷಣ ನಿಷೇಧಿಸಿ ಹಿಂದೂ ಜನಜಾಗೃತಿ ಸಮಿತಿಯ ಆಗ್ರಹಿಸಿ ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿಯಾದ ಸಿಂಧೂ ಬಿ ರೂಪೇಶ್ ಅವರಿಗೆ ಮನವಿ ಸಲ್ಲಿಸಿದರು.

ಕಾಂಗ್ರೆಸ್ಸಿನ ಸ್ವಾ. ಸಾವರ್ಕರ್ ದ್ವೇಷವು ಇಡೀ ಕ್ರಾಂತಿಕಾರಿ ಚಳುವಳಿಯ ದ್ವೇಷವಾಗಿದೆ ! ಭೋಪಾಲದಲ್ಲಿ ಕಾಂಗ್ರೆಸ್ಸಿನ ಸೇವಾದಲದ ತರಬೇತಿ ಶಿಬಿರದಲ್ಲಿ ‘ವೀರ ಸಾವರ್ಕರ್  -ಕಿತನೆ ‘ವೀರ’ ?’ (ವೀರ ಸಾವರ್ಕರ್ ಎಷ್ಟು ವೀರರು?) ಹೆಸರಿನಲ್ಲಿ ವಿತರಿಸಿದ್ದ ಪುಸ್ತಕದಲ್ಲಿ ಅತ್ಯಂತ ತುಚ್ಛ, ಸ್ವಾ. ಸಾವರಕರದ್ವೇಷ ಹಾಗೂ ಕಟ್ಟುಕಥೆಗಳನ್ನು ಬರೆಯಲಾಗಿದೆ. ಇದರಿಂದ ಕಾಂಗ್ರೆಸ್‌ನವರು ಸ್ವಾತಂತ್ರ್ಯವೀರರನ್ನು ಅವಮಾನಿಸಲು ಎಷ್ಟು ಕೀಳ್ಮಟ್ಟಕ್ಕೆ ಹೋಗಬಹುದು, ಎಂಬುದು ಇದರಿಂದ ಗಮನಕ್ಕೆ ಬರುತ್ತದೆ. ಸ್ವಾ. ಸಾವರ್ಕರ್ ರಷ್ಟೇ ಅಲ್ಲದೇ ಯಾವುದೇ ರಾಷ್ಟ್ರಪುರುಷರ ಹಾಗೂ ಕ್ರಾಂತಿಕಾರರ ಅವಮಾನವು ಯಾರಿಂದಲೂ ಆಗದಿರಲಿ, ಅದಕ್ಕಾಗಿ ಕೇಂದ್ರ ಸರಕಾರವು ಇದರ ಬಗ್ಗೆ ಕೂಡಲೇ ಕಾನೂನನ್ನು ರೂಪಿಸುವ ಆವಶ್ಯಕತೆ ಇದೆ. ಕಾಂಗ್ರೆಸ್‌ನವರು ವಿತರಿಸಿದ ಪುಸ್ತಕದಿಂದ ದೇಶದಲ್ಲಿ ಕೋಮು ಹಾಗೂ ಜಾತಿಯ ಒತ್ತಡವನ್ನು ನಿರ್ಮಿಸಿ ಸಮಾಜದಲ್ಲಿ ಅಶಾಂತಿಯನ್ನು ನಿರ್ಮಿಸುವ ಸಂಚಿರುವುದು ಗಮನಕ್ಕೆ ಬರುತ್ತದೆ. ಕಾಂಗ್ರೆಸ್ಸಿನ ಸ್ವಾ.ಸಾವರ್ಕರ್ ದ್ವೇಷ, ಇದು ಸಂಪೂರ್ಣ ಕ್ರಾಂತಿಕಾರಿ ಚಳುವಳಿಯ ದ್ವೇಷವಾಗಿದ್ದು ಈ ಅಕ್ಷೇಪಾರ್ಹ ಪುಸ್ತಕವನ್ನು ಕೂಡಲೇ ನಿಷೇಧಿಸಬೇಕು, ಅದರ ಲೇಖಕರು ಹಾಗೂ ಪ್ರಕಾಶಕರ ಮೇಲೆ ಕಠಿಣ ಕ್ರಮಕೈಗೊಳ್ಳಬೇಕು, ಎಂದು ಹಿಂದೂ ಜನಜಾಗೃತಿ ಸಮಿತಿಯ ರಾಜ್ಯ ವಕ್ತಾರರಾದ ಶ್ರೀ. ಮೋಹನ ಗೌಡ ಇವರು ಆಗ್ರಹಿಸಿದ್ದಾರೆ. ಇದನ್ನು ಆಗ್ರಹಿಸಿ ಸಮಿತಿ ವತಿಯಿಂದ ಮಹಾರಾಷ್ಟ್ರದ ಪುಣೆ ಮತ್ತು ಸಾವಂತವಾಡಿಯಲ್ಲಿ ರಾಷ್ಟ್ರೀಯ ಹಿಂದೂ ಆಂದೋಲನ ಮಾಡಲಾಯಿತು. ದೇಶದ ಇತರೆಡೆಯೂ ಸಮಿತಿಯಿಂದ ಇಂತಹ ಆಂದೋಲನಗಳನ್ನು ಮಾಡಲಾಗುತ್ತಿದೆ.

ಕಾಂಗ್ರೆಸ್ಸಿನ ಶಿಬಿರದಲ್ಲಿ ದೇಶದ ಕ್ರಾಂತಿಕಾರರು ಸಲಿಂಗ ಸಂಬಂಧವನ್ನು ಇಟ್ಟುಕೊಳ್ಳುವ, ಮಸೀದಿಯ ಮೇಲೆ ಕಲ್ಲೆಸೆಯುವ, ಅದೇರೀತಿ ಅಲ್ಪಸಂಖ್ಯಾತ ಮಹಿಳೆಯರ ಬಲಾತ್ಕಾರ ಮಾಡುವವರಿದ್ದರು, ಎಂದು ಹೇಳುವ ಅತ್ಯಂತ ಕೀಳ್ಮಟ್ಟದ ಪುಸ್ತಕವನ್ನು ವಿತರಿಸಿ ಏನು ಹೇಳಿಕೊಡಲಿದ್ದಾರೆ ? ಇದರಿಂದ ಕಾಂಗ್ರೆಸ್ಸಿನ ಶಿಬಿರಗಳು ಸಾಮಾಜಿಕ ಸಾಮರಸ್ಯವನ್ನು ಹೇಗೆ ಹಾಳು ಮಾಡಬಹುದು, ಇದರ ತರಬೇತಿ ಕೇಂದ್ರ ಆಗಿದೆ, ಎಂಬುದೇ ಸಾಬೀತಾಗುತ್ತದೆ. ಸ್ವಾ.ಸಾವರ್ಕರ್   ರಂತಹ ಮಹಾನ ರಾಷ್ಟ್ರಭಕ್ತರ ಅವಮಾನ ಸಾರ್ವಜನಿಕವಾಗಿ ಹಾಗೂ ಸತತವಾಗಿ ಆಗುತ್ತಿದೆ. ಯಾರುಬೇಕಾದರೂ ಎದ್ದು ಅವರ ಚಾರಿತ್ಯವನ್ನು ಟೀಕಿಸುತ್ತಾರೆ, ಇದು ಅಕ್ಷಮ್ಯ ಹಾಗೂ ಅಸಹನೀಯವಾಗಿದೆ. ಪದೇ ಪದೇ ಘಟಿಸುವಂತಹ ಇಂತಹ ಘಟನೆಗಳಿಂದ ರಾಷ್ಟ್ರಭಕ್ತ ನಾಗರಿಕರ ಸಹನಶೀಲತೆಯ ಅಂತ್ಯವು ಸರಕಾರವು ಕಾಣದಿರಲಿ. ದೋಷಿಗಳ ಮೇಲೆ ಅತ್ಯಂತ ಕಠಿಣ ಹಾಗೂ ಕೂಡಲೇ ಕ್ರಮ ಕೈಗೊಳ್ಳಬೇಕು, ಅದೇರೀತಿ ಇಲ್ಲಿಯ ವರೆಗೆ ಆದಂತಹ ಸ್ವಾ. ಸಾವರಕರರ ಅವಮಾನವನ್ನು ಹೋಗಲಾಡಿಸಲು ಒಂದು ಪ್ರಯತ್ನವೆಂಬಂತೆ ಸ್ವಾ. ಸಾವರಕರರಿಗೆ ‘ಭಾರತರತ್ನ’ ಈ ಸರ್ವೋಚ್ಚ ಪ್ರಶಸ್ತಿಯನ್ನು ಕೂಡಲೇ ಘೋಷಿಸಬೇಕು, ಎಂದು ಸಹ ಈ ಸಮಯದಲ್ಲಿ ಆಗ್ರಹಿಸಿದ್ದಾರೆ.

ದಕ್ಷಿಣ ಕನ್ನಡ ಜಿಲ್ಲಾಧಿಕಾರಿಯಾದ ಸಿಂಧೂ ಬಿ ರೂಪೇಶ್ ಇವರಿಗೆ ಮನವಿಯನ್ನು ಸಲ್ಲಿಸಲಾಯಿತು . ಈ ಸಂದರ್ಭದಲ್ಲಿ ಶ್ರೀ ರಾಮ ಸೇನೆ ಜಿಲ್ಲಾ ಉಪಾಧ್ಯಕ್ಷ ಶ್ರೀ ಹರೀಶ್ ಶೆಟ್ಟಿ, ಬೊಕ್ಕಪಟ್ನ, ಶ್ರೀ ರಾಮಸೇನೆ ನಗರ ಉಪಾಧ್ಯಕ್ಷರು ಶ್ರೀ ವೆಂಕಟೇಶ್ ಪಡಿಯಾರ್, ಅ.ಭಾ.ವಿ.ಪ. ಜಿಲ್ಲಾ ಸಂಚಾಲಕ ಶ್ರೀ ಆಗ್ನೇಯ, ಶ್ರೀ ಸತೀಶ್ ಹಿಂದೂ ಮಹಾಸಭಾ ರಾಜ್ಯ ಪ್ರಧಾನ ಕಾರ್ಯದರ್ಶಿ ಶ್ರೀ ರಾಜೇಶ್ ಪವಿತ್ರಾನ್, ಶ್ರೀ ಪ್ರವೀಣ್, ಶ್ರೀ ಶಶಿಧರ್ ಬಾಳಿಗಾ, ಶ್ರೀ ವಿಶ್ವನಾಥ್ ಬೋಂದೆಲ್, ಸುಳ್ಯ , ಶಕ್ತಿನಗರ, ಹಿಂದೂ ಜನಜಾಗೃತಿ ಸಮಿತಿಯ ಶ್ರೀ ಪ್ರಭಾಕರ್ ನಾಯಕ್ , ಶ್ರೀ ಉಪೇಂದ್ರ ಆಚಾರ್ಯ, ಶ್ರೀ ಮಾಂಗಿರಾಮ್, ಸನಾತನ ಸಂಸ್ಥೆಯ ಸೌ ರೇಖಾ ಶೇಟ್, ಸೌ ಲೀಲಾವತಿ ನಾಯಕ್,ಸೌ ಪ್ರಮೀಳಾ ಎಂ.ಪಿ. ಇವರು ಉಪಸ್ಥಿತರಿದ್ದರು.