ಮಡಿಕೇರಿ : ಮುಖ್ಯ ರಸ್ತೆಯನ್ನು ದಾಟುತ್ತಿದ್ದ ವ್ಯಕ್ತಿಯೊಬ್ಬರು ರಾಯಲ್ ಎನ್‌ಫೀಲ್ಡ್ ಡಿಕ್ಕಿಯಿಂದ ಸಾವನ್ನಪ್ಪಿರುವ ಘಟನೆ ನಗರದಲ್ಲಿ ನಡೆದಿದೆ.

ನಗರದ ಎಫ್.ಎಂ.ಸಿ. ರಸ್ತೆಯ ಬಳಿಯ ಮಾಡರ್ನ್ ವಾಚ್ ವರ್ಕ್ಸ್ ಅಂಗಡಿಯ ಮಾಲೀಕರಾದ ಎಂ.ಎಸ್.ಖಾಲೀದ್ ಅಹಮ್ಮದ್ (56)ಎಂಬವರೆ ಸಾವನ್ನಪ್ಪಿರುವ ದುರ್ದೈವಿಯಾಗಿದ್ದಯ, ಎನ್‌ಫೀಲ್ಡ್ ಸವಾರ, ಚೊಕಂಡಳ್ಳಿ ನಲ್ವತೊಕ್ಲು ಗ್ರಾಮದ ನಿವಾಸಿ ಮೂಸ ಅವರ ಪುತ್ರ ರಫೀಕ್ ಎಂಬವರು ಗಂಭೀರ ಸ್ವರೂಪದಲ್ಲಿ ಗಾಯಗೊಂಡಿದ್ದಾರೆ.

ಖಾಲೀದ್ ಅಹಮ್ಮದ್ ಅವರು ಅಪೋಲೋ ಜೌಷಧಿ ಅಂಗಡಿಗೆ ತೆರಳಿ, ಅಗತ್ಯ ಜೌಷಧಿ ತೆಗೆದುಕೊಂಡು ಮುಖ್ಯ ರಸ್ತೆಯನ್ನು ದಾಟುವ ಸಂದರ್ಭ ರಫೀಕ್ ಎಂಬಾತ ಚಾಲಿಸುತ್ತಿದ್ದ ಎನ್‌ಫೀಲ್ಡ್ ಡಿಕ್ಕಿಯಾಗಿತ್ತು. ಇದರಿಂದ ಗಂಭೀರ ಸ್ವರೂಪದದಲ್ಲಿ ಗಾಯಗೊಂಡಿದ್ದ ಖಾಲೀದ್ ಅಹಮ್ಮದ್ ಅವರನ್ನು ಮೈಸೂರು ಆಸ್ಪತ್ರೆಗೆ ದಾಖಲಿಸಲಾಗಿತ್ತಾದರು, ಚಿಕಿತ್ಸೆ ಫಲಕಾರಿಯಾಗದೆ ಅವರು ಸಾವನ್ನಪ್ಪಿದ್ದರೆ, ಅವಘಡದಿಂದ ಗಾಯಗೊಂಡಿರುವ ರಫೀಕ್ ಅವರನ್ನು ಮಂಗಳೂರು ಆಸ್ಪತ್ರೆಗೆ ದಾಖಲಿಸಲಾಗಿದೆ.

ಘಟನೆಗೆ ಸಂಬಂಧಿಸಿದಂತೆ ನಗರ ಠಾಣಾ ಪೊಲೀಸರು ಪ್ರಕರಣ ದಾಖಲಿಸಿಕೊಂಡಿದ್ದಾರೆ.