ಮಂಗಳೂರು  :   ಕರೋನಾ ಸಂಕಷ್ಟದಿಂದ ಪಾರಾಗಲು ದಿನಾಂಕ 26-04-2020 ಆದಿತ್ಯವಾರ ಅಕ್ಷಯ ತದಿಗೆ ಮತ್ತು ಶ್ರೀ ಬಸವೇಶ್ವರ ಜಯಂತಿಯ ಪುಣ್ಯ ದಿನದಂದು ರಾಜ್ಯದಾದ್ಯಂತ ಎಲ್ಲಾ ಮನೆ ಹಾಗೂ ದೇವಾಲಯಗಳಲಿ ವಿಶೇಷ ಪೂಜೆ ಮತ್ತು ಪ್ರಾರ್ಥನೆ ನಡೆಸುವಂತೆ ವಿಶ್ವಹಿಂದು ಪರಿಷದ್ ಕರೆ ನೀಡಿದೆ,

ಇಡೀ ಮನುಕುಲಕ್ಕೆ ಸಂಕಟ ಬಂದೊದಗಿರುವ ಈ ಸಂದರ್ಭದಲ್ಲಿ ಮಾನವ ಶಕ್ತಿಗೆ ಅತೀತವಾದ ದೈವೀಶಕ್ತಿಯ ಅನುಗ್ರಹ ಪಡೆಯುವುದು ಸೂಕ್ತವಾಗಿರುವ ಕಾರಣ ಅಂದು ಬೆಳಿಗ್ಗೆ 10ಗಂಟೆಯಿಂದ 12 ಗಂಟೆಯ ಕಾಲಾವಧಿಯಲ್ಲಿ ಸಮಸ್ತ ಸಮಾಜದ ಭಾಂದವರು ತಮ್ಮ ತಮ್ಮ ಮನೆಗಳಲ್ಲಿಮತ್ತು ಅರ್ಚಕರು ದೇವಾಲಯಗಳಲ್ಲಿ ತಮ್ಮ ಇಷ್ಟ ದೇವತೆಗೆ ವಿಶೇಷ ಪೂಜೆ, ಪ್ರಾರ್ಥನೆ ಹಾಗೂ ಜಪಾನುಷ್ಠಾನ ನಡೆಸಿ ಈ ಸಂಕಷ್ಟದಿಂದ ನಮ್ಮನ್ನು ಮತ್ತು ನಮ್ಮ ದೇಶವನ್ನು ಪಾರುಮಾಡಿ, ವಿಶ್ವಕ್ಕೆ ಶಾಂತಿ ಮತ್ತು ನೆಮ್ಮದಿ ಕರುಣಿಸುವಂತೆ ಪ್ರಾರ್ಥಿಸಬೇಕೆಂದು ವಿಶ್ವಹಿಂದು ಪರಿಷದ್ ನಾಡಿನ ಸಮಸ್ತ ಜನತೆಯಲ್ಲಿ ಮನವಿ ಮಾಡಿಕೊಂಡಿದೆ.