ಮಂಗಳೂರು : ಆಕಾಶವಾಣಿ ಕೇಂದ್ರದ ನಿಲಯ ಮುಖ್ಯಸ್ಥರಾಗಿ ಅಶೋಕ್ ಕುಮಾರ್ ಹಾಗೂ ಕಾರ್ಯಕ್ರಮ ಮುಖ್ಯಸ್ಥರಾಗಿ ಸೂರ್ಯನಾರಾಯಣ ಭಟ್ ಸೋಮವಾರ ಅಧಿಕಾರ ವಹಿಸಿಕೊಂಡರು.

ಇದೇ ಮೇ 31 ರಂದು ಉಷಾ ಲತಾ ಸರಪಾಡಿ ಅವರು ನಿವೃತ್ತರಾಗಿದ್ದು ಅವರ ಸ್ಥಾನದಲ್ಲಿ ಈ ನೇಮಕಗಳನ್ನುಮಾಡಲಾಗಿದೆ. ಈ ಕುರಿತು ಆಕಾಶವಾಣಿ ಹಾಗೂ ದೂರದರ್ಶನದ ದಕ್ಷಿಣ ವಲಯದ ಹೆಚ್ಚುವರಿ ಮಹಾ ನಿರ್ದೇಶಕ ಡಾ.ರಾಜಕುಮಾರ್ ಉಪಾಧ್ಯಾಯರು ಆದೇಶ ನೀಡಿದ್ದಾರೆ.

ಸೂರ್ಯನಾರಾಯಣ ಭಟ್ ಅವರು ಮಂಗಳೂರು, ಚಿತ್ರದುರ್ಗ, ಕಾರವಾರ ಮುಂತಾದ ಆಕಾಶವಾಣಿ ಕೇಂದ್ರಗಳಲ್ಲಿ ಕಾರ್ಯಕ್ರಮ ವಿಭಾಗದ ಅಧಿಕಾರಿಯಾಗಿ ಸೇವೆ ಸಲ್ಲಿಸಿದ್ದಾರೆ . ಅಶೋಕ್ ಕುಮಾರ್ ಅವರು ಆಕಾಶವಾಣಿ ತಿರುವನಂತಪುರಂ, ರಾಯಚೂರು, ತ್ರಿಶೂರ್,ಈಟಾನಗರ್, ಕೋಳಿಕ್ಕೋಡ , ಮಂಗಳೂರುಮುಂತಾದ ಕೇಂದ್ರಗಳಲ್ಲಿ ಇಂಜಿನಿಯರಿಂಗ್ ವಿಭಾಗದಲ್ಲಿ ಬೇರೆಬೇರೆ ಹುದ್ದೆಗಳಲ್ಲಿ ಸೇವೆ ಸಲ್ಲಿಸಿದ್ದಾರೆ.