ಮಂಗಳೂರು  : ಗಣೇಶ್ ಬಂಗೇರ ಕನ್ಸ್ ಸ್ಟ್ರಕ್ಷನ್ (ಜಿಬಿ ಗ್ರೂಪ್) ಮಾಲಕ ಗಣೇಶ್. ಎ. ಬಂಗೇರ ಭಾನುವಾರ  ಫೆಬ್ರವರಿ 14 ರಂದು ಮುಂಜಾನೆ ನಿಧನರಾದರು.

ಪದವಿನಂಗಡಿ ಗುರುನಗರದ ಶ್ರೀ ನಾರಾಯಣಗುರು ಸ್ವಾಮಿ ಸೇವಾ  ಸಂಘದ ಅಧ್ಯಕ್ಷರಾಗಿ ಕಳೆದ 23 ವರ್ಷಗಳಿಂದ ನಿರಂತರ ಸೇವೆ  ಸಲ್ಲಿಸಿ ಸಂಘ ಮತ್ತು ಶ್ರೀ ನಾರಾಯಣ ಗುರು ಮಂದಿರದ ಅಭಿವೃದ್ಧಿಗೆ ಅಮೂಲ್ಯ ಕೊಡುಗೆ ಸಲ್ಲಿಸಿರುವ ಸರಳ, ಸಜ್ಜನಿಕೆಯ ಸಾಕಾರಮೂರ್ತಿ, ಹತ್ತು ಹಲವು ದೇವಸ್ಥಾನ,ದೈವಸ್ಥಾನ,ಮಠ ಮಂದಿರಗಳ ಅಭಿವೃದ್ಧಿಯ ಹರಿಕಾರ, ನಾಡಿನ ಸಂಘ ಸಂಸ್ಥೆಗಳ ಪ್ರೋತ್ಸಾಹಕ ಕಲೆ,ಶಿಕ್ಷಣ,ಸಾಹಿತ್ಯ ಸಂಸ್ಕೃತಿಯ ಆರಾಧಕರಾಗಿ ಸಮಾಜದ ಎಲ್ಲಾ ವಿಚಾರ ವಿಷಯಗಳಲ್ಲಿ ಭಾಗಿಯಾಗಿ ಜನಾನುರಾಗಿಯಾಗಿದ್ದರು.

ಗಣೇಶ್ ಬಂಗೇರ ಕನ್ಸ್ ಸ್ಟ್ರಕ್ಷನ್ (ಜಿಬಿ ಗ್ರೂಪ್)  ಮೂಲಕ ಕಳೆದ ಹಲವು ವರ್ಷಗಳಿಂದ ಸೇವೆ ಸಲ್ಲಿಸುತ್ತಿದ್ದರು.

ಭಾನುವಾರ  ಬೆಳಿಗ್ಗೆ 11:00 ಗಂಟೆಗೆ ಪದವಿನಂಗಡಿ ಗುರುನಗರದಲ್ಲಿರುವ ಅವರ ನಿವಾಸದಿಂದ ಪಾರ್ಥಿವ ಶರೀರದ ಅಂತಿಮಯಾತ್ರೆ ಹೊರಡಲಿದ್ದು ಬೋಳೂರು ಹಿಂದೂ ರುದ್ರ ಭೂಮಿಯಲ್ಲಿ ಅಂತ್ಯ ಸಂಸ್ಕಾರ ನಡೆಯಲಿದೆ.