ಬೆಂಗಳೂರು  : ಕಂದಾಯ ಸಚಿವ ಶ್ರೀ ಆರ್ ಅಶೋಕ ಅವರು ಗುರುವಾರ ವಿಧಾನ ಸೌಧದಲ್ಲಿ ನಡೆದ ಕ್ಯಾಬಿನೆಟ್ ಉಪಸಮಿತಿ ಸಭೆಯಲ್ಲಿ ಕರ್ನಾಟಕ ಆಡಳಿತ ಸುಧಾರಣಾ ಆಯೋಗದ ಶಿಫಾರಸುಗಳ ಕುರಿತು ಚರ್ಚಿಸಿದರು. ನಾಲ್ಕು ಪ್ರಾದೇಶಿಕ ಆಯುಕ್ತರ ಹುದ್ದೆಗಳನ್ನು ರದ್ದುಗೊಳಿಸಿ, ಬೆಂಗಳೂರಿನಲ್ಲಿ ಪ್ರಾದೇಶಿಕ ಆಯುಕ್ತರನ್ನು ಸ್ಥಾಪಿಸುವ ಸಾಧ್ಯತೆಯ ಬಗ್ಗೆ ಚರ್ಚಿಸಿದರು. ನೆರೆಹೊರೆಯ ಯೋಜನಾ ಅಧಿಕಾರಿಗಳನ್ನು ಬಿಎಂಆರ್‍ಡಿಎಯೊಂದಿಗೆ ವಿಲೀನಗೊಳಿಸುವುದು, ಕಂದಾಯ ಇಲಾಖೆಯ ಪಿಂಚಣಿ ಯೋಜನೆಯಡಿ ವಿವಿಧ ಇಲಾಖೆಗಳ ಪಿಂಚಣಿ ಯೋಜನೆಗಳನ್ನು ತರುವುದು, ಕಂದಾಯ ಇಲಾಖೆಯಲ್ಲಿ ಖಾಲಿ ಇರುವ ಕಿರಿಯ ಸಹಾಯಕ ಹುದ್ದೆಗಳ ಹುದ್ದೆಗಳನ್ನು ರದ್ದುಪಡಿಸುವುದು ಮತ್ತು ಜಿಲ್ಲಾ ಮತ್ತು ತಾಲ್ಲೂಕು ಮಟ್ಟದಲ್ಲಿ ಪಂಚಾಯತ್ ರಾಜ್‍ನ ಎಂಜಿನಿಯರಿಂಗ್ ವಿಭಾಗ ಹಾಗೂ ಕುಡಿಯುವ ನೀರಿನ ಎಂಜಿನಿಯರಿಂಗ್ ವಿಭಾಗಳನ್ನು ವಿಲೀನಗೊಳಿಸುವುದು ಸೇರಿವೆ.

ಜಾಗೃತೆಯಿಂದ ಇದ್ದರೆ ಮಾತ್ರ ಕೋವಿಡ್ ದೂರಮಾಡಲು ಸಾಧ್ಯ : ಕಂದಾಯ ಸಚಿವ ಆರ್ ಅಶೋಕ್

ಕೋವಿಡ್ ವಿರುದ್ಧ ಹೋರಾಡಲು ಜಾಗೃತಿ ಬಹಳ ಮುಖ್ಯ ಎಂದು ಕಂದಾಯ ಸಚಿವ ಶ್ರೀ ಆರ್ ಅಶೋಕ್ ಹೇಳಿದರು.

ಬನಶಂಕರಿ 2 ನೇ ಹಂತದಲ್ಲಿ ಬೀದಿಬದಿ ವ್ಯಾಪಾರಿಗಳು, ಪೈಂಟರ್ ಗಳು, ಮನೆಕೆಲಸದವರು, ಕ್ಯಾಬ್ ಡ್ರೈವರ್ ಗಳು, ಸೆಕ್ಯೂರಿಟಿಗಾರ್ಡ್ ಗಳು ಸೇರಿ ಸುಮಾರು 500 ಜನರಿಗೆ ದಿನಸಿ ಕಿಟ್ ಗಳನ್ನು ನೀಡಿದರು.

ಕಾರ್ಯಕ್ರಮದ ನಂತರ ಮಾತನಾಡಿದ ಸಚಿವರು, “ನಾವು ಕಳೆದ 30 ದಿನಗಳಿಂದ ವಿವಿಧ ವರ್ಗದ ಜನರಿಗೆ ಕಿಟ್‍ಗಳನ್ನು ವಿತರಿಸುತ್ತಿದ್ದೇವೆ. ಹೆಣ್ಣು ಮಕ್ಕಳಿಗೆ ಸ್ವಂತ ಉದ್ಯಮ ನಡೆಸಲು ಸುಮಾರು 20 ಕೋಟಿ ಹಣವನ್ನು ಬಡ್ಡಿ ಇಲ್ಲದೆ ಸಾಲ ಕೊಟ್ಟಿದ್ದೇವೆ, ವಿಶೇಷಚೇತನರಿಗೆ ವಾಹನ ನೀಡಿದ್ದೇವೆ. ಮೋದಿಯವರು ಉಚಿತವಾಗಿ ವಾಕ್ಸಿನ್ ನೀಡುತ್ತಿದ್ದಾರೆ. ಅದಕ್ಕೆ ಬೇಕಾದ ಎಲ್ಲಾ ವ್ಯವಸ್ಥೆ ನಾವು ಮಾಡುತ್ತೇವೆ, ಎಲ್ಲರು ಕಡ್ಡಾಯವಾಗಿ ವ್ಯಾಕ್ಸಿನ್ ತೆಗೆದುಕೊಳ್ಳಬೇಕು, ಯಾವುದೇ ಭಯ ಬೇಡ. ನಮ್ಮ ಜನರಿಗೆ ತೊಂದರೆ ಆಗಬಾರದು ಎನ್ನುವುದು ನನ್ನ ಉದ್ದೇಶ. ಯಾವಾಗಲೂ ಜನರೊಂದಿಗೆ ನಿಲ್ಲುವುದು ನನ್ನ ಏಕೈಕ ಗುರಿ” ಎಂದು ಹೇಳಿದರು.