ಮಂಗಳೂರು : ಮಂಗಳೂರಿನಿಂದ ಕುಂದಾಪುರಕ್ಕೆ ಚಲಿಸುತ್ತಿದ್ದ  ಖಾಸಗಿ ಎಕ್ಸ್‌ಪ್ರೆಸ್ ಬಸ್ಸಿಗೆ ಕೋಡಿಕಲ್ ಕ್ರಾಸ್ ರಸ್ತೆಯ ಬಳಿ  ಕಿಡಿಗೇಡಿಗಳು ಕಲ್ಲೆಸೆದ ಘಟನೆ ಸೋಮವಾರ ಮಧ್ಯಾಹ್ನ 12.20 ಕ್ಕೆ ನಡೆದಿದೆ.

ಕುಂದಾಪುರದ ಸೈಫ್ ಎನ್ನುವವರ ಮಾಲಕತ್ವದ ಎಕೆಎಂಎಸ್ ಎಕ್ಸ್‌ಪ್ರೆಸ್ ಬಸ್ ಗೆ ಕೋಡಿಕಲ್ ಕ್ರಾಸ್  ಬಳಿ ಇಬ್ಬರು ಯುವಕರು ಕೈ ತೋರಿಸಿ ನಿಲ್ಲಿಸಲು ಸೂಚಿಸಿ ಎರಡು ಕಲ್ಲುಗಳನ್ನು ಬಸ್ಸಿನ ಗಾಜಿಗೆ ಎಸೆದು ಬಳಿಕ ಕೋಡಿಕಲ್ ರಸ್ತೆಯಲ್ಲಿ  ದ್ವಿಚಕ್ರ ವಾಹನದಲ್ಲಿ ಪರಾರಿಯಾಗಿದ್ದಾರೆ ಎಂದು ಹೇಳಲಾಗಿದೆ.

ಕಲ್ಲೆಸೆತದಿಂದ ಬಸ್ಸಿನ ಗಾಜಿಗೆ ಹಾನಿಯಾಗಿದೆ. ಕಿಡಿಗೇಡಿಗಳು ದ್ವಿಚಕ್ರ ವಾಹನದ ನಂಬರ್ ಪ್ಲೇಟ್ ಕಾಣದಂತೆ ಮರೆಮಾಚಿದ್ದಾರೆ. ಕಳೆದ ವಾರ ಪಣಂಬೂರು ಸಮೀಪ ಕಾಟಿಪಳ್ಳ ಕೈಕಂಬದಿಂದ ಮಂಗಳಾದೇವಿ ರೂಟ್‌ನತ್ತ ಬರುತ್ತಿದ್ದ ಖಾಸಗಿ ಸಿಟಿ ಬಸ್ಸಿಗೆ ಕಲ್ಲೆಸೆಯಲಾಗಿತ್ತು. ಇದೀಗ ಈ ಪರಿಸರದಲ್ಲಿ ಎಡನೆ ಬಾರಿಗೆ ನಡೆದ ಘಟನೆ ಇದಾಗಿದೆ.

ಒಂದು ಮೂಲದ ಹೇಳಿಕೆ ಪ್ರಕಾರ ಎರಡು ಬಸ್ಸುಗಳ ನಡುವಿನ ಕಚ್ಚಾಟ ಈ ಘಟನೆಗೆ ಕಾರಣ ಎಂದು ತಿಳಿದು ಬಂದಿದೆ.