ಮಂಗಳೂರು : ಉಳ್ಳಾಲ ಚೀರಂಭ ಭಗವತಿ ಕ್ಷೇತ್ರದ ಮಾಂಗಲ್ಯಮ್ ಸಭಾಗ್ರಹದಲ್ಲಿ ನಡೆದ ವಿವಾಹ ಸಮಾರಂಭದಲ್ಲಿ ನೂತನ ವಧೂವರರಿಗೆ ಚಿನ್ನದ ಉಡುಗೊರೆಯನ್ನು ಮಂಗಳಾ ಕೇಟರಿಂಗ್ ಮಾಲಕರಾದ ಸತೀಶ್ ಎಮ್ಮೆಕೆರೆ ನೀಡಿ ಶುಭ ಹಾರೈಸಿದರು.

ಉಳ್ಳಾಲ ಶ್ರೀ ಚೀರುಂಭ ಭಗವತಿ ತೀಯಾ ಸಮಾಜದ ಅಧ್ಯಕ್ಷ ಚಂದ್ರಹಾಸ್ ಉಳ್ಳಾಲ್ ಮಾತನಾಡಿ ಮಂಗಳಾ ಕೇಟರಿಂಗ್ ಮಾಲಕರಾದ ಸತೀಶ್ ಎಮ್ಮೆಕೆರೆ ಅನೇಕ ಸಮಾಜ ಸೇವಾ ಕಾರ್ಯಗಳನ್ನು ಮಾಡುತ್ತಾ ಬಂದಿದ್ದಾರೆ. ಕ್ಷೇತ್ರದ ಮಾಂಗಲ್ಯಮ್ ಸಭಾಗ್ರಹ ಮುನ್ನಡೆಸುವಲ್ಲಿ ಸತೀಶ್ ಎಮ್ಮೆಕೆರೆ ಅವರ ಪಾತ್ರ ಮಹತ್ವದ್ದಾಗಿದೆ ಎಂದರು.

ನೂತನ ವಧೂವರರಾದ ಶಿವಕುಮಾರ್ ಹಾಗೂ ಪವಿತ್ರಾ ದಂಪತಿಗಳಿಗೆ ತಲಾ 2.30 ಗ್ರಾಂ ತೂಕದ ಚಿನ್ನದ ನಾಣ್ಯಗಳನ್ನು ಸತೀಶ್ ಎಮ್ಮೆಕೆರೆ ಹಾಗೂ ಚಂದ್ರಹಾಸ್ ಉಳ್ಳಾಲ್ ವಿತರಿಸಿದರು.

ಈ ಸಂಧರ್ಭ ಕ್ಷೇತ್ರದ ಆಚಾರಪಟ್ಟವರು , ಗುರಿಕಾರರು ಉಪಸ್ಥಿತರಿದ್ದರು.

ಸತೀಶ್ ಎಮ್ಮೆಕೆರೆ ಮಾಲಕತ್ವದ ಮಂಗಳಾ ಕೇಟರಿಂಗ್ ಮಂಗಳೂರಿನ ಬೋಳಾರದಲ್ಲಿ ಕಾರ್ಯಾಚರಿಸುತ್ತಿದ್ದು ದಕ್ಷಿಣ ಕನ್ನಡ ದಲ್ಲಿ ಗುಣಮಟ್ಟದ ಕೇಟರಿಂಗ್ ಸೇವೆಗೆ ಪ್ರಸಿದ್ದಿ ಪಡೆದಿದೆ. ಸತೀಶ್ ಎಮ್ಮೆಕೆರೆ ತನ್ನ ಉದ್ಯಮದ ಜೊತೆಗೆ ಬಡವರಿಗೆ ಹಾಗೂ ಕಷ್ಟದಲ್ಲಿರುವವರಿಗೆ ಸಹಾಯ ಮಾಡುತ್ತಾ ಬಂದಿದ್ದಾರೆ.