ಮಂಗಳೂರು : ಶಿರಾಲಿ ಶ್ರೀ ಚಿತ್ರಾಪುರ ಮಠ ಸಂಸ್ಥಾನದ ಪೀಠಾಧಿಪತಿಗಳಾಗಿರುವ ಶ್ರೀ ಸದ್ಯೋಜಾತ ಶಂಕರಾಶ್ರಮ ಸ್ವಾಮೀಜಿಯವರ 28ನೇ ವರ್ಷದ ಚಾತುರ್ಮಾಸ ವೃತದ ಆಚರಣೆಯು ಈ ಬಾರಿ ಮಂಗಳೂರಿನ ರಥಬೀದಿ ಬಳಿ ಇರುವ ಶ್ರೀ ವಾಮನಾಶ್ರಮ ಸಮಾಧಿ ಮಠದಲ್ಲಿ ಪ್ರಾರಂಭಗೊಂಡಿತು .

ಪ್ರಾತಃ ಕಾಲ ಶ್ರೀ ಉಮಾ ಮಹೇಶ್ವರ ದೇವರ ಸನ್ನಿಧಿಯಲ್ಲಿ ಮಹಾ ಪ್ರಾರ್ಥನೆಯೊಂದಿಗೆ ಪ್ರಾರಂಭಗೊಂಡು , ಶ್ರೀಗಳವರು ಶ್ರೀ ದೇವರ ಪೂಜೆ ಪುರಸ್ಕಾರಗಳನ್ನು ತಮ್ಮ ದಿವ್ಯ ಹಸ್ತಗಳಿಂದ ನೆರವೇರಿಸಿದರು . ಬಳಿಕ ಶ್ರೀಗಳವರಿಂದ ಮಂಡಲ ಪೂಜೆ , ವ್ಯಾಸ / ಗುರು ಪೂರ್ಣಿಮೆಯ ಪರ್ವ ದಿನದಂದು ಪೂಜೆ ನಡೆದು ಶ್ರೀಗಳವರು ಚಾತುರ್ಮಾಸ ವ್ರತ ಸ್ವೀಕಾರ ಮಾಡಿದರು . ಈ ಸಂದರ್ಭದಲ್ಲಿ ಚಾತುರ್ಮಾಸ ಸಮಿತಿಯ ಎಲ್ಲೋರ್ ರಾಮ್ ಕಿಶೋರ್ ರಾವ್ , ಭವಾನಿ ಶಂಕರ್ ಕಂಡಲೂರ್, ಸಮಿತಿಯ ಪದಾಧಿಕಾರಿಗಳು ಹಾಗೂ ನೂರಾರು ಸಮಾಜ ಬಾಂಧವರು ಉಪಸ್ಥಿತರಿದ್ದರು .

ಚಿತ್ರ : ಮಂಜು ನೀರೇಶ್ವಾಲ್ಯ