ಮಂಗಳೂರು : ಸ್ಯಾಮ್ ಸಂಗ್ ಕಂಪನಿಯ ನಕಲಿ ಉತ್ಪನ್ನಗಳನ್ನು  ಮಾರಾಟ ಮಾಡುತ್ತಿದ್ದ ನಗರದ ಸೆಂಟ್ರಲ್ ಮಾರ್ಕೆಟ್ ಸಮೀಪದ ದುಬೈ ಮಾರ್ಕೆಟ್‌ ನ ಮೊಬೈಲ್ ಅಂಗಡಿಗಳ ಮೇಲೆ ಶುಕ್ರವಾರ ಬಂದರು ಠಾಣೆ ಪೊಲೀಸರು ಹಾಗು ಸ್ಯಾಮ್ ಸಂಗ್ ಕಂಪನಿಯವರು ಒಟ್ಟಾಗಿ ದಾಳಿ ನಡೆಸಿ, ನಕಲಿ ಮೊಬೈಲ್‌ಗಳನ್ನು ವಶಕ್ಕೆ ತೆಗೆದುಕೊಂಡು ಆರೋಪಿಗಳನ್ನು ಬಂಧಿಸಿದ್ದಾರೆ.

ಸ್ಯಾಮ್ ಸಂಗ್ ಕಂಪನಿಯ ನಕಲಿ ಉತ್ಪನ್ನಗಳನ್ನು  ಹಾಗೂ ಮೊಬೈಲ್ ಗಳನ್ನು ಮಾರಾಟ ಮಾಡುತ್ತಿದ್ದಾರೆ ಎಂದು ಕಂಪನಿಯ ಅಧಿಕಾರಿಗಳು  ದೂರು ನೀಡಿದ್ದರು. ದೂರಿನನ್ವಯ ನಗರ ಎಸಿಪಿ ಕವಿತ ನೇತೃತ್ವದ ಪೊಲೀಸರ ತಂಡವು ದುಬಾಯಿ ಮಾರ್ಕೆಟ್ ನಲ್ಲಿರುವ ಸುಮಾರು ಏಳು ಅಂಗಡಿಗಳಿಗೆ ದಾಳಿ ಮಾಡಿ ಅಲ್ಲಿ ಮಾರಾಟ ಮಾಡಲಾಗುತ್ತಿದ್ದ ನಕಲಿ ಮೊಬೈಲ್ ಗಳು ಹಾಗೂ ಇತರ ಉತ್ಪನ್ನಗಳನ್ನು ವಶಕ್ಕೆ ತೆಗೆದುಕೊಂಡಿದ್ದಾರೆ.  ದಾಳಿ ಸಂದರ್ಭ 151 ಮೊಬೈಲ್ ಸೆಟ್, 40 ಅಡಾಪ್ಟರ್, 1600 ಪೌಚ್‌ಗಳು, 350 ಸ್ಟಿಕ್ಕರ್ ಹಾಗೂ 40 ಬ್ಯಾಟರಿಗಳನ್ನು ವಶಕ್ಕೆ ತೆಗೆದುಕೊಂಡು ಪ್ರಕರಣ ದಾಖಲಿಸಲಾಗಿದೆ.