ಕಾರ್ಕಾಳ : ರವಿ ಪೂಜಾರಿಯ ಸಹಚರರೆನ್ನಲಾದ ಮೂವರು ಆರೋಪಿಗಳನ್ನು ಕಾರ್ಕಾಳ ಪೋಲಿಸರು ಸೊಮವಾರ ಬಂಧಿಸಿದ್ದಾರೆ. ಬಂಟ್ವಾಳ ಸಾಲೆತ್ತೂರಿನ ಗುರುಪ್ರಸನ್ನ(೨೨), ಕಾರ್ಕಾಳ ನಗರದ ನಿತಿನ್ ಕುಮಾರ್(೨೨) ಮತ್ತು ಕಾರ್ಕಾಳದ ಸೋನನಾಥ ಎಂಬುವವರು ಬಂಧಿತ ಆರೋಪಿಗಳಾಗಿದ್ದಾರೆ.

ಕಾರ್ಕಾಳ ತಾಲೂಕಿನ ಮಾಳ ಗ್ರಾಮದ ಕ್ರಷರ್ ಮಾಲಕ ಸಿ.ಎಂ.ಜಾಯ್ ಅವರ ಮನೆಗೆ ಮೇ ೧೧ ಶನಿವಾರ ಕಾರಿನಲ್ಲಿ ಬಂದಿದ್ದ ಆರೋಪಿಗಳು ಪಿಸ್ತೂಲ್ ತೋರಿಸಿ ರವಿ ಪೂಜಾರಿ ಕೇಳಿದ ಹಣ ಕೊಡುವಂತೆ ಹೇಳಿ ಬೆದರಿಕೆ ಹಾಕಿ ಪರಾರಿಯಾಗಿದ್ದರು. ಸೋಮವಾರ ಆರೋಪಿಗಳು ಹೊಸ್ಮಾರು ಕಡೆಯಿಂದ ಕಾರ್ಕಾಳದ ಕಡೆಗೆ ಬರುವ ಬಗ್ಗೆ ಖಚಿತ ಮಾಹಿತಿ ಪಡೆದ ಪೊಲೀಸರು ಬಜಗೋಳಿ ಸಮೀಪದ ಪಾಜಗುಡ್ಡೆ ಹತ್ತಿರ ಪ್ರಯಾಣಿಸುತ್ತಿದ್ದ ಕಾರನ್ನು ತಡೆದು ಆರೋಪಿಗಳನ್ನು ಬಂಧಿಸಿದ್ದು, ಬಂಧಿತರಿಂದ ೫೦ ಲಕ್ಷ ರೂಪಾಯಿ ಮೌಲ್ಯದ ಒಂದು ಪಿಸ್ತೂಲು ಮತ್ತು ಕಾರನ್ನು ವಶಪಡಿಸಿಕೊಂಡಿದ್ದಾರೆ.