ಮಂಗಳೂರು: ಪಳ್ನೀರ್ ನ ಹೈಲ್ಯಾಂಡ್ ಆಸ್ಪತ್ರೆ ಸಮೀಪವಿರುವ ಪಿಸಿ ಮಲ್ಲಪ್ಪ ಆ್ಯಂಡ್ ಕಂಪನಿ ಯಲ್ಲಿ ಗುರುವಾರ ರಾತ್ರಿ ಕಳ್ಳತನ ನಡೆದಿದ್ದು. ಸುಮಾರು  50 ಸಾವಿರ ರೂ. ನಗದು ಮತ್ತು ಸ್ಯಾನಿಟರಿವೇರ್ ನ ಹಲವಾರು ಬೆಲೆಬಾಳುವ ವಸ್ತುಗಳನ್ನು ದೋಚಿದ್ದಾರೆ.

ಶೋರೂಮ್ ನ ಮುಂದಿನ ಶಟರ್ ನ್ನು ಮುರಿದು ಕಳ್ಳರು ಒಳಪ್ರವೇಶಿಸಿದ್ದಾರೆ. ಬೆಲೆಬಾಳುವ ಜಾಕ್ವರ್ ವಾಲ್ ಮಿಕ್ಸರ್ ತ್ರೀ ಇನ್ ವನ್ ನ  ಬಾಕ್ಸ್ ಗಳು ಹಾಗೂ 50 ಸಾವಿರ ರೂ. ನಗದನ್ನು ಕಳ್ಳತನ ಮಾಡಲಾಗಿದೆ.

ಜಾಕ್ವರ್ ವಾಲ್ ಮಿಕ್ಸರ್ ನ ಪ್ರತೀ ಬಾಕ್ಸ್ ಗೆ ಸುಮಾರು 3000 ರೂ. ಬೆಲೆಯಿದೆ. ಇದರ ಹಲವಾರು ಬಾಕ್ಸ್ ಗಳನ್ನು ಕಳ್ಳರು ಲಪಟಾಯಿಸಿದ್ದಾರೆ.

ಶೋರೂಮ್ ನಲ್ಲಿ ಸುಮಾರು 15 ಸಿಸಿ ಕ್ಯಾಮಾರಗಳಿವೆ. ಆದರೆ ಹಿಂದಿನ ದಿನ ರಾತ್ರಿ ಈ ಸಿಸಿ ಕ್ಯಾಮಾರಗಳ ಮೈನ್ ಸ್ವಿಚ್ ನ್ನು ಆಫ್ ಮಾಡಲಾಗಿತ್ತು ಎಂದು ಶೋ ರೂಮ್ ನ ಮ್ಯಾನೇಜರ್ ತಿಳಿಸಿದ್ದಾರೆ.

ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಮುಂದುವರಿಸಿದ್ದಾರೆ.