ಮಂಗಳೂರು: ವಿಶ್ವ ಹೃದಯ ದಿನದ ಅಂಗವಾಗಿ ಕೆಎಂಸಿ ಆಸ್ಪತ್ರೆ ಹಮ್ಮಿಕೊಂಡಿದ್ದ ‘ವಿಶ್ವ ಹೃದಯ ದಿನದ ಓಟ’ದಲ್ಲಿ ಸುಮಾರು 3 ಸಾವಿರ ಮಂದಿ ಭಾಗವಹಿಸಿದರು. ಕೈಗಳನ್ನು ತೊಡೆಗೆ ಬಡಿ­ಯುತ್ತಾ ಹೃದಯ ಮಾಡುವ ಸದ್ದಿನ ಪ್ರತಿಧ್ವನಿ­ಯನ್ನು 5 ನಿಮಿಷಗಳ ಕಾಲ ಬಾಯಲ್ಲಿ ಮೂಡಿಸಿ ಏಕಕಾಲದಲ್ಲಿ ಇಷ್ಟು ಸಂಖ್ಯೆಯ ಜನ 5 ನಿಮಿಷ ನಿರಂತರವಾಗಿ ಸದ್ದು ಮಾಡಿ ಏಷ್ಯಾ ಬುಕ್‌ ಆಫ್‌ ರೆಕಾರ್ಡ್ಸ್‌ನಲ್ಲಿ ಸ್ಥಾನ ಪಡೆದರು. ಒಟ್ಟು 2500 ಮಂದಿ ನೋಂದಣಿ ಮಾಡಿಸಿ ಕೊಂಡಿದ್ದರು

ಏಷ್ಯಾ ಬುಕ್‌ ಆಫ್‌ ರೆಕಾರ್ಡ್ಸ್‌ನ ಪ್ರತಿನಿಧಿಯಾಗಿ ಆಗಮಿಸಿದ ಡಾ.ಸುನೀತಾ ಧೋಟೆ ಅವರು 5 ನಿಮಿಷ ನಡೆದ ಕಾರ್ಯಕ್ರಮ­ವನ್ನು ಪರಿಶೀಲಿಸಿ ‘ಕೆಎಂಸಿಯ ಈ ಪ್ರಯತ್ನ ಸಫಲವಾಗಿದ್ದು, ದಾಖಲೆ ನಿರ್ಮಾಣ­ವಾಗಿದೆ’ ಎಂದು ಘೋಷಿಸಿದಾಗ ‘ಏಷ್ಯಾದ ಅತಿ ದೊಡ್ಡ ಹ್ಯೂಮನ್‌ ಹಾರ್ಟ್‌ ಬೀಟ್‌ ಸಿಮ್ಯುಲೇಷನ್‌’ ಪ್ರಮಾಣ ಪತ್ರ ಪಡೆದ ಸಂಸ್ಥೆ ಎಂಬ ಹೆಗ್ಗಳಿಕೆಗೆ ಕೆಎಂಸಿ ಪಾತ್ರವಾಯಿತು. ಸಹ ಉಪಕುಲಪತಿ ಡಾ.ವಿ.ಸುರೇಂದ್ರ ಶೆಟ್ಟಿ, ಡೀನ್‌ ವೆಂಕಟ­ರಾಯ ಪ್ರಭು ಅವರಿಗೆ ಸುನೀತಾ ಅವರು ಪ್ರಮಾಣಪತ್ರ ನೀಡಿದರು.

ಚಿತ್ರ ನಟಿ ಶರ್ಮಿಳಾ ಮಾಂಡ್ರೆ ಅವರು ಹೃದಯ ದಿನ ಓಟಕ್ಕೆ ಚಾಲನೆ ನೀಡಿ, ಎಲ್ಲರಲ್ಲೂ ಹೃದಯ ಬಗ್ಗೆ ಕಾಳಜಿ ಮತ್ತು ಹೃದಯ ರೋಗಗಳ ಬಗ್ಗೆ ಜಾಗೃತಿ ಮೂಡ­ಬೇಕು ಎಂದರು. ಅಂತರ­ರಾಷ್ಟ್ರೀಯ ಅಥ್ಲೀಟ್‌ ಕ್ಲಿಫರ್ಡ್‌ ಜೋಶುವ ಅವರು ಓಟದ ಜ್ಯೋತಿ ಹಿಡಿದು ಎಂ.ಜಿ.ರಸ್ತೆ ಮೂಲಕ ಪಿ.ವಿ.ಎಸ್‌.­ವೃತ್ತ, ಬಂಟ್ಸ್‌ ಹಾಸ್ಟೆಲ್‌ ವೃತ್ತದ ಮೂಲಕ ಕೆಎಂಸಿ ಆಸ್ಪತ್ರೆ ಆವರಣದ ವರೆಗೆ ಓಟವನ್ನು ಮುನ್ನಡೆಸಿದರು. ವಿದ್ಯಾರ್ಥಿಗಳು, ವಿವಿಧ ಸಂಸ್ಥೆಗಳು, ಸಂಘ­ಟನೆ­ಗಳ ಪ್ರತಿನಿಧಿಗಳು ಓಟದಲ್ಲಿ ಭಾಗವಹಿಸಿ­ದ್ದರು. ವಿವಿಧ ಭಿತ್ತಿಪತ್ರಗಳನ್ನು, ಬ್ಯಾನರ್‌ಗ­ಳನ್ನು ಪ್ರದರ್ಶಿಸುತ್ತಾ ಹೃದಯದ ಮತ್ತು ಹೃದಯ ರೋಗಗಳ ಬಗ್ಗೆ ಮಾಹಿತಿ ನೀಡುತ್ತಾ ಘೋಷಣೆಗಳನ್ನೂ ಕೂಗುತ್ತಾ ಸಾಗಿದರು.
ನಗರದ ಜ್ಯೋತಿಯಲ್ಲಿರುವ ಕೆಎಂಸಿ ಆಸ್ಪತ್ರೆ ಆವರಣದಲ್ಲಿ ನಡೆದ ಓಟದ ಸಮಾರೋಪದಲ್ಲಿ ವಿವಿಧ ಸ್ಪರ್ಧೆಗಳಲ್ಲಿ ವಿಜೇತರಾದವರಿಗೆ ಬಹು­­ಮಾನ ವಿತರಿಸಲಾಯಿತು. ಆಸ್ಪತ್ರೆಯ ವೈದ್ಯ­ಕೀಯ ಅಧೀಕ್ಷಕ ಡಾ.ಆನಂದ ವೇಣು­ಗೋಪಾಲ್‌, ಆನಂದ್‌ ಕಿಣಿ, ಆರ್‌.ಎಲ್‌.­ಕಾಮತ್‌, ದಿಲೀಪ್‌ ನಾಯಕ್‌ ಮತ್ತಿತರರು ಉಪಸ್ಥಿತರಿದ್ದರು.