ಕುಂಬಳೆ: ಕುಂಬಳೆಯ ಚಿರಂಜೀವಿ ಕ್ಲಬ್ ನ 30ನೇ ವಾರ್ಷಿಕೋತ್ಸವ ಅಂಗವಾಗಿ ಬುಧವಾರ ಸಂಜೆ ಕುಂಬಳೆ ಗಾಂಧಿ ಮೈದಾನದಲ್ಲಿ ರಸಮಂಜರಿ ವಿಶೇಷ ಕಾರ್ಯಕ್ರಮ ಹಮ್ಮಿಕೊಳ್ಳಲಾಗಿತ್ತು. ಸಂಘದ 30ನೇ ವರ್ಷದ ಸವಿ ನೆನಪಿಗಾಗಿ ರಚಿಸಲಾದ ನಂದನ ಸ್ಮರಣ ಸಂಚಿಕೆಯನ್ನು ಹಿರಿಯರಾದ ಶಿವರಾಮ ಕಡಪ್ಪುರ ಪ್ರಸಿದ್ದ ವೈದ್ಯ ಡಾ.ಮುಕುಂದರಿಗೆ ಹಸ್ತಾಂತರಿಸುವ ಮೂಲಕ ಬಿಡುಗಡೆಗೊಳಿಸಿದರು.

ಚಿರಂಜೀವಿ ಕ್ಲಬ್ ನ ಪದಾಧಿಕಾರಿಗಳಾದ ಬಾಲಕೃಷ್ಣ ಗಟ್ಟಿ,ವಿನಯ ಕುಮಾರ್,ಕೃಷ್ಣ ಗಟ್ಟಿ,ಸಂತೋಷ್ ಕುಮಾರ್,ನಾಗೇಶ್ ಕೃಷ್ಣ ನಗರ,ಗೋಪಿ,ನವೀನ ಗಟ್ಟಿ ಕೋಟೆಕ್ಕಾರ್ ಮೊದಲಾದವರು ಉಪಸ್ಥಿತರಿದ್ದರು.

ರಸಮಂಜರಿ ಕಾರ್ಯಕ್ರಮದಲ್ಲಿ ಹಿರಿಯ ನಾಟ್ಯಗುರು ಬಾಲಕೃಷ್ಣ ಮಂಜೇಶ್ವರರ ಶಿಷ್ಯವೃಂದದವರಿಂದ ಭರತನಾಟ್ಯ ಕಾರ್ಯಕ್ರಮ,ಕೇರಳದ ಪ್ರಮುಖ ಹಿನ್ನೆಲೆ ಗಾಯಕ ಬಿಜು ನಾರಾಯಣ್ ಮತ್ತು ಬಳಗದವರಿಂದ ವೈವಿಧ್ಯಮಯ ಹಾಡುಗಾರಿಕೆ ಮತ್ತು ಮಂಗಳೂರಿನ ಶಾಡ್ಸ್ ಮ್ಯೂಸಿಕ್ಸ್ ವರ್ಲ್ಡ್ ಬಳಗದವರಿಂದ ಸಿನಿಮ್ಯಾಟಿಕ್ ಡ್ಯಾನ್ಸ್ ಪ್ರಸ್ತುಗೊಂಡಿತು. ಸಾವಿರಕ್ಕಿಂತಲೂ ಮಿಕ್ಕಿದ ಕಿಕ್ಕಿರಿದ ಪ್ರೇಕ್ಷಕರು ಕಾರ್ಯಕ್ರಮದ ಸವಿಯನ್ನುಂಡರು.