ಮಂಜೇಶ್ವರ: ಪಾನ್ ಬೀಡಾ ಮರಾಟ ಮಾಡುತ್ತಿರುವ ಕೆಲವೊಂದು ಅಂಗಡಿಗಳಿಗೆ ಕುಂಬಳೆ ವೃತ್ತ ನಿರೀಕ್ಷಕರು ಭಾನುವಾರ ಮದ್ಯಾಹ್ನ ದಿಢೀರ್ ದಾಳಿ ನಡೆಸಿ ಅನಧಿಕೃತವಾಗಿ ಶೇಖರಿಸಿಡಲಾಗಿದ್ದ ನಿಷೇಧಿತ ತಂಬಾಕು ಉತ್ಪನ್ನಗಳನ್ನು ವಶಪಡಿಸಿಕೊಂಡರು.

ಹೊಸಂಗಡಿಯಲ್ಲಿ ಕಾರ್ಯಾಚರಿಸುತ್ತಿರುವ ಸಂಗಮ್ ಪಾನ್ ಸ್ಟಾಲ್ ಎಂಬಲ್ಲಿಂದ ನಿಷೇಧಿತ ತಂಬಾಕು ಉತ್ಪನ್ನಗಳನ್ನು ವಶಪಡಿಸಿಕೊಳಲಾಯಿತು. ಈ ಸಂಬಂಧ ಉತ್ತರ ಪ್ರದೇಶ ದ ನಿವಾಸಿಯಾಗಿರುವ ಅರವಿಂದ್ ಎಂಬಾತನನ್ನು ಸೆರೆ ಹಿಡಿಯಲಾಗಿದೆ.

ಇದೇ ರೀತಿ ಹಲವು ಅಂಗಡಿಗಳಿಗೆ ದಾಳಿ ನಡೆದಿದೆ. ಮುಂದಿನ ತಿಂಗಳಿನಲ್ಲಿ ದಾಳಿಯನ್ನು ಇನ್ನಷ್ಟು ವ್ಯಾಪಕಗೊಳಿಸುವುದಾಗಿ ವೃತ್ತ ನಿರೀಕ್ಷಕರು ಪತ್ರಿಕೆಗೆ ತಿಳಿಸಿದ್ದಾರೆ.