ಮಂಗಳೂರು: ನೋಡು ನೋಡ್ತಿದ್ದಂತೆ ಕಾರುವೊಂದು ಹೊತ್ತಿ ಉರಿದಿರುವ ಘಟನೆ ಮಂಗಳೂರಿನ ಹೊರವಲಯದ ಕಾವೂರ್‌ ಪೊಲೀಸ್‌ ಠಾಣಾ ವ್ಯಾಪ್ತಿಯಲ್ಲಿ ನಡೆದಿದೆ.

ಕಾರಿನಲ್ಲಿ ಶಾರ್ಟ್ ಸರ್ಕ್ಯೂಟ್ ಸಂಭವಿಸಿದ ಪರಿಣಾಮ ರಸ್ತೆ ಮಧ್ಯೆ ಸಂಪೂರ್ಣವಾಗಿ ಸುಟ್ಟು ಹೋಗಿದ್ದು, ಘಟನೆ ನಡೆಯುತ್ತಿದ್ದಂತೆ ಸ್ಥಳಕ್ಕೆ ತಕ್ಷಣ ಅಗ್ನಿಶಾಮಕ ದಳದ ಸಿಬ್ಬಂದಿ ದೌಡಾಯಿಸಿದ್ದಾರೆ.

ಬಜ್ಪೆಯ ಜಯರಾಜ್ ಎಂಬುವವರಿಗೆ ಸೇರಿದ ಐ 10 ಕಾರ್ ಇದಾಗಿದ್ದು, ಬೆಂಕಿಗೆ ಆಕಸ್ಮಿಕವಾಗಿ ನಡೆದ ಶಾರ್ಟ್‌ ಸರ್ಕ್ಯೂಟ್‌ ಎಂದು ಹೇಳಲಾಗಿದೆ.