ಮಂಗಳೂರು: ಇದು ಸೋಜಿಗವೆನಿಸಿದರೂ ನಂಬಲೇಬೇಕಾದ ವಿಷಯವಾಗಿದೆ. ನಿನ್ನೆಯಷ್ಟೇ ಮಂಗಳೂರಿನ ಮೂಲರಪಟ್ಣದಲ್ಲಿ ಕುಸಿದ ಸೇತುವೆಯ ಕುರಿತಾಗಿ ಗ್ರಾಮಸ್ಥರೊಬ್ಬರು ಮೂರು ತಿಂಗಳ ಮೊದಲೇ ಗ್ರಹಿಸಿ ಎಚ್ಚರಿಕೆ ನೀಡಿದ್ದ ವಿಡಿಯೋ ಸದ್ಯ ವೈರಲ್ ಆಗಿದೆ.

ಜಿಲ್ಲೆಯ ಮೂಲರಪಟ್ಣ ಸೇತುವೆ ಕುಸಿದು ಬಿದ್ದು ರಾಜ್ಯದಾದ್ಯಂತ ಸುದ್ದಿಯಾಗಿತ್ತು. ಈಗ ಅದೇ ಸೇತುವೆ ಕುರಿತಾಗಿ ವಿಡಿಯೋವೊಂದು ಸಾಮಾಜಿಕ ಜಾಲತಾಣಗಳಲ್ಲಿ ಸದ್ದು ಮಾಡ್ತಿದೆ. ವಿಡಿಯೋದಲ್ಲಿ ಮೂಲರಪಟ್ಣದ ಸ್ಥಳೀಯ ಹಮೀದ್ ಎಂಬುವರು ಬ್ಯಾರಿ ಭಾಷೆಯಲ್ಲಿ ಮಾತನಾಡುತ್ತಾ ನೆರೆಹೊರೆಯವರಿಗೆ ಸೇತುವೆಯಲ್ಲಿ ಕಾಣಿಸಿಕೊಂಡ ಬಿರುಕನ್ನು ತೋರಿಸಿದ್ದರು. ಇದು ಈ ಬಾರಿ ಉರುಳಿ ಬೀಳಬಹುದು ಎಂದು ಖಚಿತವಾಗಿ ಹೇಳಿದ್ದರು ಎನ್ನಲಾಗಿದೆ.

ಅವರು ತೋರಿಸಿದ್ದ ಜಾಗದಲ್ಲಿಯೇ ಈಗ ಸೇತುವೆ ಉರುಳಿ ಬಿದ್ದಿದ್ದು, ಎಲ್ಲರಲ್ಲೂ ಅಚ್ಚರಿಯ ಜೊತೆಗೆ ಸಾಕ್ಷಿಯಿದ್ದರೂ ನಂಬಲಾಗಂತಹ ಸುದ್ದಿಯಾಗಿದೆ.