ಬಂಟ್ವಾಳ : ಇಲ್ಲಿನ ಪುರಸಭೆ ಬಗ್ಗೆ ಪತ್ತಿಕಾಗೋಷ್ಠಿ ನಡೆಸಿದ ಹರಿಕೃಷ್ಣ ಬಂಟ್ವಾಳ ಪುತ್ತೂರಿನಲ್ಲಿ ಕಾಂಗ್ರೆಸ್ ಪಕ್ಷದ ಚುನಾವಣೆಯಲ್ಲಿ ಬಿಲ್ಲವರಿಗೆ ಯಾವುದೇ ಸೀಟು ನೀಡಿಲ್ಲ ಎಂಬ ಹೇಳಿಕೆ ನೀಡಿರುವುದು ಹಾಸ್ಯಸ್ಪದ ಬಂಟ್ವಾಳ್‌ಗೆ ಬೇರೆ ಕ್ಷೇತ್ರದ ಉಸಾಬರಿ ಯಾಕೆ ?

ಬಂಟ್ವಾಳ ಪುರಸಭಾ ಚುನಾವಣೆಯಲ್ಲಿ ರಮಾನಾಥ ರೈ ನೇತೃತ್ವದ ಕಾಂಗ್ರೆಸ್ ಬಿಲ್ಲವರಿಗೆ 27 ಸೀಟುಗಳ ಪೈಕಿ 7 ಸೀಟುಗಳನ್ನು ನೀಡಿದೆ. ಬಿ.ಜೆ.ಪಿ ಪಕ್ಷ ಬಂಟ್ವಾಳ ಪುರಸಭೆಯಲ್ಲಿ ಬಿಲ್ಲವರಿಗೆ 2 ಸೀಟುಗಳನ್ನು ಮಾತ್ರ ನೀಡಿದೆ. ಈ ರೀತಿ ಇರುವಾಗ ಕಾಂಗ್ರೆಸ್ ಬಗ್ಗೆ ಮಾತಾನಾಡುವ ಯಾವುದೇ ನೈತಿಕತೆ ಹರಿಕೃಷ್ಣ ಬಂಟ್ವಾಳ್‌ಗೆ ಇಲ್ಲ.

ಹರಿಕೃಷ್ಣ ಬಂಟ್ವಾಳ್ ಕಾಂಗ್ರೆಸನ್ನು ಪ್ರಶ್ನಿಸುವ ಮೊದಲು ತನ್ನ ಪಕ್ಷವನ್ನು ಪ್ರಶ್ನಿಸಲಿ. ಹರಿಕೃಷ್ಣ ಬಂಟ್ವಾಳ್‌ಗೆ ಮೊದಲು ತಲೆಯಲ್ಲಿ ಇರಲಿ ತಾನೊಬ್ಬ ಬಿ.ಜೆ.ಪಿ ಪಕ್ಷದ ವಕ್ತಾರನೆಂದು ಆ ನೆಲೆಯಲ್ಲಿ ಅವರು ಮಾತಾನಾಡುವುದು ಸೂಕ್ತ.

ರಮಾನಾಥ ರೈ ಯವರ ಪಾದಯಾತ್ರೆಯ ಬಗ್ಗೆ ಮಾತಾನಾಡುವ ಬಂಟ್ವಾಳ್‌ಗೆ ಮನಸ್ಸಿನಲ್ಲಿ ಇರುವುದು ಅಸೂಯೆ ಹೊರತು ಬೇರೇನೂ ಅಲ್ಲ. ಬಾಯಿಗೆ ಬಂದ ಹಾಗೆ ಮಾತಾನಾಡುವುದು ಹರಿಕೃಷ್ಣ ಬಂಟ್ವಾಳ್‌ಗೆ ಒಂದು ಚಾಳಿಯಾಗಿದೆ ಎಂದು ಬಂಟ್ವಾಳ ಬ್ಲಾಕ್ ಕಾಂಗ್ರೆಸ್ ಅಧ್ಯಕ್ಷ ಮಾಯಿಲಪ್ಪ ಸಾಲಿಯಾನ್ ಹಾಗೂ ಪಾಣೆಮಂಗಳೂರು ಬ್ಲಾಕ್ ಅಧ್ಯಕ್ಷ ಅಬ್ಬಾಸ್ ಅಲಿ ಪತ್ರಿಕಾ ಹೇಳಿಕೆಯಲ್ಲಿ ತಿಳಿಸಿದ್ದಾರೆ.