ಕಾರ್ಕಳ : ಸೋಮವಾರ ರಾತ್ರಿ  ಆಕಸ್ಮಿಕವಾಗಿ ಸಂಭವಿಸಿದ ಅಗ್ನಿ ಅನಾಹುತದಿಂದ ಹಿರ್ಗಾನ ಗ್ರಾಮದ ಗೇರು ಬೀಜ ಫ್ಯಾಕ್ಟರಿಯಲ್ಲಿ ಕೋಟ್ಯಂತರ ಮೌಲ್ಯದ ಗೇರು ಬೀಜ, ಎಣ್ಣೆ ಮಿಷನರಿಗಳು ಸುಟ್ಟು ಹೋಗಿದೆ.

ಸೋಮವಾರ ತಡರಾತ್ರಿ ರಾತ್ರಿ  12.30 ರ ವೇಳೆಗೆ ಪಕ್ಕದಲ್ಲಿ ಮಲಗಿದ್ದ ಕೆಲಸಗಾರರ ಗಮನಕ್ಕೆ ಬೆಂಕಿ ತಗುಲಿದ ವಿಚಾರ ಬಂದಿದ್ದು ಕೂಡಲೇ ಮಾಲಕರಿಗೆ ಮಾಹಿತಿ ನೀಡಿ ಅಗ್ನಿ ಶಾಮಕ ದಳದವರನ್ನು ಕರೆಸಲಾಗಿದೆ. ಗೇರು ಬೀಜದ ಸಿಪ್ಪೆ ಮತ್ತು ಎಣ್ಣೆ ಇರುವುದರಿಂದ ಬೆಂಕಿಯು ಪಸರಿಸುತ್ತಲೇ  ಇತ್ತು ಎಂದು ಹೇಳಲಾಗಿದೆ.

ಫ್ಯಾಕ್ಟರಿ ಮಾಲಕ ಪ್ರಕಾಶ್ ಅವರು, ಅಗ್ನಿ ಅವಘಡದಿಂದ ಸುಮಾರು 1.5 ಕೋಟಿ ರೂ ನಷ್ಟವಾಗಿದೆ ಎಂದು ತಿಳಿಸಿದ್ದಾರೆ.