ಬ್ರಹ್ಮಾವರ : ಕೋಟ ಗ್ರಾಮ ಪಂಚಾಯತ್ ಮಿತಿಯೊಳಗಿನ ಕಾಸನಗುಂದು ಎಂಬಲ್ಲಿ  ಹೆಜ್ಜೇನು ದಾಳಿಯಿಂದಾಗಿ ಕೃಷಿ ಚಟುವಟಿಕೆಗಳಲ್ಲಿ ತೊಡಗಿದ್ದ ಆರು ಮಹಿಳೆಯರು ಗಂಭೀರ ಗಾಯಗೊಂಡು ತೀವ್ರ  ಗಾಯಗೊಂಡ ಘಟನೆ  ಡಿಸೆಂಬರ್ 18 ಶುಕ್ರವಾರದಂದು ನಡೆದಿದೆ.

ಶುಕ್ರವಾರ ಸಂಜೆ ಮಹಿಳೆಯರು ಗದ್ದೆಯಲ್ಲಿ ಕೆಲಸ ಮಾಡುತ್ತಿದ್ದಾಗ ಇದ್ದಕ್ಕಿದ್ದಂತೆ ಹೆಜ್ಜೇನುಗಳು ದಾಳಿ ನಡೆಸಿದೆ. ಗಾಯಗೊಂಡ ಐವರನ್ನು ಚಿಕಿತ್ಸೆಗಾಗಿ ಕೋಟೇಶ್ವರ ಖಾಸಗಿ ಆಸ್ಪತ್ರೆಗೆ ದಾಖಲಿಸಲಾಗಿದೆ. ಆರು ಮಹಿಳೆಯರ ಪೈಕಿ ಓರ್ವರಾದ ಪ್ರೇಮಾ ಯಾನೆ ಬುಡ್ಡು ತೀವ್ರ ದಾಳಿಗೆ ಒಳಗಾಗಿದ್ದರಿಂದ, ಆಕೆಯನ್ನು ಮಣಿಪಾಲದ ಖಾಸಗಿ ಆಸ್ಪತ್ರೆಗೆ ಸ್ಥಳಾಂತರಿಸಲಾಗಿದೆ.