ಮಂಗಳೂರು : ಮಂಗಳೂರು ಜೆಪ್ಪು ಬಪ್ಪಲ್ ನಿವಾಸಿಗಳಾದ ಲ್ಯಾನ್ಸಿಲಾಟ್ ಡಿಸೋಜ (40) ಮತ್ತು ಆತನ ಸಹೋದರ ಸಂಬಂಧಿ ಶರುಣ್ ಡಿಸೋಜ (26) ಎಂಬವರು ಸೋಮವಾರ ರಾತ್ರಿ ಮಸ್ಕತ್‌ನಲ್ಲಿ ಅನುಮಾನಾಸ್ಪದವಾಗಿ ಮೃತಪಟ್ಟ ಘಟನೆ ವರದಿಯಾಗಿದೆ.

ಶರುಣ್ ಡಿಸೋಜ ಕಳೆದ ಕೆಲವು ವರ್ಷಗಳಿಂದ ಮಸ್ಕತ್‌ನಲ್ಲಿ ಉದ್ಯೋಗದಲ್ಲಿದ್ದರು. ಆದರೆ ಲ್ಯಾನ್ಸಿಲಾಟ್ ಡಿಸೋಜ ಕಳೆದ 15 ದಿನಗಳ ಹಿಂದಷ್ಟೇ ವೀಸಾ ಪಡೆದು ಮಸ್ಕತ್‌ಗೆ ತೆರಳಿದ್ದರು. ಸಾವಿಗೆ ನಿಖರ ಕಾರಣ ತಿಳಿದು ಬಂದಿಲ್ಲ. ಮಸ್ಕತ್‌ನ ಆಸ್ಪತ್ರೆಯಲ್ಲಿ ಶವಗಳ ಮರಣೋತ್ತರ ಪರೀಕ್ಷೆ ನಡೆಯುವ ಸಾಧ್ಯತೆ ಇದೆ. ಆ ಬಳಿಕವಷ್ಟೇ ಸಾವಿಗೆ ನಿಖರ ಕಾರಣ ತಿಳಿದುಬರಲಿದೆ.