ಮಂಗಳೂರು : ಮಂಗಳವಾರ ಸಂಜೆ 7.45 ರ ವೇಳೆಗೆ ನಗರದ ಕೆ.ಎಸ್‌. ರಾವ್‌ ರಸ್ತೆಯ ವಿಶ್ವಭವನ ಬಸ್‌ ತಂಗುದಾಣದ ಬಳಿ ಇರುವ ಕೃಷ್ಣ ಪ್ರಸಾದ್‌ ಕಟ್ಟಡದಲ್ಲಿ, ವಿದ್ಯುತ್‌ ಮೀಟರ್‌ನಲ್ಲಿ ಉಂಟಾದ ಶಾರ್ಟ್‌ ಸರ್ಕೀಟ್ ನಿಂದಾಗಿ ಬೆಂಕಿ ಕಾಣಿಸಿಕೊಂಡಿದ್ದು, ಯಾರಿಗೂ ಅಪಾಯ ಉಂಟಾಗಿಲ್ಲ. ಶಾರ್ಟ್‌ ಸರ್ಕೀಟ್ ನಿಂದಾಗಿ ಅಂಗಡಿ ಮಳಿಗೆಗಳಲ್ಲಿ ಹೊಗೆ ತುಂಬಿದ್ದ ಕಾರಣ ದಾರಿ ಕಾಣದೆ ಸಿಕ್ಕಿ ಕೊಂಡಿದ್ದ ಕೆಲವರನ್ನು ಅಗ್ನಿ ಶಾಮಕ ದಳದ ಸಿಬಂದಿ ಕಿಟಿಕಿ ಗಾಜು ಒಡೆದು ರಕ್ಷಿಸಿದರು.

ಎರಡು ಮಳಿಗೆಗಳಲ್ಲಿ ಹೊಗೆ ಕಾಣಿಸಿಕೊಂಡ ಪರಿಣಾಮ ಕಟ್ಟಡದ ಬಳಿ ಅಧಿಕ ಸಂಖ್ಯೆಯಲ್ಲಿ ಜನ ಜಮಾಯಿಸಿದರು. ಪರಿಣಾಮ ಕೆಲ ಹೊತ್ತು ವಾಹನ ಸಂಚಾರ ಅಸ್ತವ್ಯಸ್ತಗೊಂಡಿತ್ತು. 3 ಅಗ್ನಿ ಶಾಮಕ ವಾಹನಗಳು ಮತ್ತು 2 ಆಂಬುಲೆನ್ಸ್‌ಗಳನ್ನು ರಕ್ಷಣಾ ಕಾರ್ಯಕ್ಕೆ ಬಳಸಲಾಗಿತ್ತು