ಮಂಗಳೂರು : ನಗರದ ಜಮಿಯ್ಯತುಲ್ ಫಲಾಹ್ ಹಾಲ್ ನಲ್ಲಿ ಬಾನುವಾರ ಹಯಾತುಲ್ ಇಸ್ಲಾಂ ಎಸೋಸಿಯೇಶನ್ ಮಂಗಳೂರು ಇದರ ವತಿಯಿಂದ ನಡೆದ ಸಾಮೂಹಿಕ ವಿವಾಹ ದಲ್ಲಿ ಆರು ಜೋಡಿಗಳು ಗೃಹಸ್ಥಾಶ್ರಮಕ್ಕೆ ಕಾಲಿರಿಸಿದರು.  ದ.ಕ.ಜಿಲ್ಲಾ ಖಾಝಿ ಅಲ್ಹಾಜ್ ಶೈಖುನಾ ತ್ವಾಖಾ ಅಹ್ಮದ್ ಮುಸ್ಲಿಯಾರ್  ರವರ ನೇತೃತ್ವದಲ್ಲಿ ವಿವಾಹ ನೆರವೆರಿಲ್ಪಟ್ಟಿತು.

ಕಾರ್ಯಕ್ರಮ ಉದ್ಘಾಟಿನೆಯನ್ನು ನೆರವೇರಿಸಿ ಮಾತನಾಡಿದ ಕುದ್ರೋಳಿಯ ಮುಹಿಯ್ಯುದ್ದೀನ್ ಜುಮಾ ಮಸ್ಜಿದ್ ಖತೀಬ್ ಹಾಜಿ ಅಬ್ದುಲ್ ಖಾದರ್ ದಾರಿಮಿ ಕುಕ್ಕಿಲ ಇಂತಹ ಸರಳ ವಿವಾಹ ಪ್ರತಿಯೊಂದು ಮುಸ್ಲಿಂ ಕುಟುಂಬದಲ್ಲೂ ನಡೆಸುವ ಮೂಲಕ ಸ್ಪರ್ಧಾತ್ಮಕ ರೀತಿಯಲ್ಲಿ ನಡೆಯುವ ಮದುವೆಗೆ ಕಡಿವಾಣ ಹಾಕಬಹುದು ಎಂದರು.

ಮುಖ್ಯ ಅತಿಥಿಗಳಾಗಿ ಕೇಂದ್ರ ಜುಮಾ ಮಸ್ಜಿದ್ ಖತೀಬ್ ಸದಕತುಲ್ಲಾ ಫೈಝಿ, ಶಾಸಕ ಯು.ಟಿ.ಖಾದರ್, ಮುಸ್ಲಿಂ ಸೆಂಟ್ರಲ್ ಕಮಿಟಿ ಅಧ್ಯಕ್ಷ ಹಾಜಿ ಕೆ.ಎಸ್.ಮುಹಮ್ಮದ್ ಮಸೂದ್, ಹಾಜಿ ಎಫ್. ಅಹ್ಮದ್, ಹಾಜಿ ಮೂಸಾ ಮೊಯಿದೀನ್, ಹಾಜಿ ರಿಯಾಝ್ ಬಾವ, ಹಾಜಿ ಯು.ಕೆ. ಅಬ್ದುಲ್ ಖಾದರ್, ಇಕ್ಬಾಲ್ ಅಹ್ಮದ್, ಕೆ. ಅಶ್ರಫ್, ಹಾಜಿ ಎ.ಎಂ. ಇಬ್ರಾಹಿಂ, ಹಾಜಿ ಅಹ್ಮದ್ ಬಾವ, ಸಂಸ್ಥೆಯ ಅಧ್ಯಕ್ಷ ಹಾಜಿ ಅಬ್ದುಲ್ ರಝಾಕ್, ಕಾರ್ಯದರ್ಶಿ ಸಿ.ಕೆ. ಅಹ್ಮದ್, ಬಿ.ಎಸ್. ಹಸನಬ್ಬ ಉಪಸ್ಥಿತರಿದ್ದರು. ಮುಹಮ್ಮದ್ ಹನೀಫ್ ಸ್ವಾಗತಿಸಿ, ಕಾರ್ಯಕ್ರಮ ನಿರೂಪಿಸಿದರು. ಸಮದ್ ವಂದಿಸಿದರು.