ಕುಂಬಳೆ:ಚೇವಾರು ಸಮೀಪದ ಪೆರ್ಮುದೆ ಸೈಂಟ್‌ಲಾರೆನ್ಸ್ ಚಾಪೆಲ್‌ನ ವಾರ್ಷಿಕೋತ್ಸವ ಆದಿತ್ಯವಾರ ವಿವಿಧ ಕಾರ್ಯಕ್ರಮಗಳೊಂದಿಗೆ ನಡೆಯಿತು.

ಮುಖ್ಯ ಅತಿಥಿಗಳಾಗಿ ಭಾಗವಹಿಸಿದ ವಿಖಾರ್ ಜನರಲ್ ಪೊನ್ಸಿಗ್ನೋರ್ ಫಾ.ಡೆನ್ನಿಸ್ ಮೊರಸ್ ಪ್ರಭು ದಿವ್ಯ ಬಲಿಪೂಜೆ ನೆರವೇರಿಸಿ ಆಶೀರ್ವಚನ ನೀಡಿದರು. ಕಯ್ಯಾರು ಕ್ರಿಸ್ತರಾದ ದೇವಾಲಯದ ಧರ್ಮಗುರು ಫಾ.ವಿಕ್ಟರ್ ಡಿ’ಸೋಜ ಉಪಸ್ಥಿತರಿದ್ದರು.

ಮಂಗಳೂರು ಧರ್ಮವಲಯದಲ್ಲಿ ಸೈಂಟ್ ಜೋನ್ ಮರಿಯ ವಿಯಾನ್ನಿಯವರ ಹಬ್ಬವನ್ನು ಯಾಜಕರ ದಿನವನ್ನಾಗಿ ಆಚರಿಸುತ್ತಿದ್ದು, ದಿವ್ಯ ಬಲಿ ಪೂಜೆಯಲ್ಲಿ ಯಾಜಕರಿಗಾಗಿ ವಿಶೇಷ ಪ್ರಾರ್ಥನೆ ನಡೆಯಿತು.

ದಿವ್ಯ ಬಲಿ ಪೂಜೆಯ ಬಳಿಕ ಸೈಂಟ್ ಲಾರೆನ್ಸ್ ಚಾಪೆಲ್‌ನ ನೂತನ ಕಟ್ಟಡ ನಿರ್ಮಿಸುವ ಸ್ಥಳಕ್ಕೆ ಮೆರವಣಿಗೆಯಲ್ಲಿ ನಡೆಸಲಾಯಿತು. ಫಾ.ಡೆನ್ನಿಸ್ ಮೊರಸ್ ಪ್ರಭು ಬುನಾದಿ ಕಲ್ಲನ್ನು ಇರಿಸಿ ಆಶೀರ್ವದಿಸಿ ನೂತನ ಕಟ್ಟಡದ ಶಿಲಾನ್ಯಾಸ ನೆರವೇರಿಸಿದರು. ಫಾ.ವಿಕ್ಟರ್ ಡಿ’ಸೋಜ, ಪೆರ್ಮುದೆ ವಾಳೆಯ ಗುರಿಕ್ಕಾರ ವಿನ್ಸಂಟ್ ಮೊಂತೇರೊ ಮೊದಲಾದವರು ಉಪಸ್ಥಿತರಿದ್ದರು.