ಕಾಸರಗೋಡು : ಮೀನುಗಾರಿಕೆಗೆ ತೆರಳಿದ್ದ ದೋಣಿಯೊಂದು ಮಗುಚಿ ಓರ್ವ ನಾಪತ್ತೆಯಾಗಿ ಒಂಭತ್ತು ಮಂದಿ ಅಪಾಯದಿಂದ ಪಾರಾದ ಘಟನೆ ಬೇಕಲ ಕೀಯೂರಿನಲ್ಲಿ ಸೆ. 13 ರ ಶುಕ್ರವಾರ ನಡೆದಿದೆ. ಕೀಯೂರಿನ ದಾಸನ್ ನಾಪತ್ತೆಯಾದವರು. ಗಾಯಗೊಂಡ ನಾಲ್ವರನ್ನು ಕಾಸರಗೋಡು ಆಸ್ಪತ್ರೆಗೆ ದಾಖಲಿಸಲಾಗಿದೆ. ಶುಕ್ರವಾರ ಬೆಳಿಗ್ಗೆ ಮೀನುಗಾರಿಕೆಗೆ ತೆರಳಿದ್ದ ಸಂದರ್ಭದಲ್ಲಿ ದುರಂತ ನಡೆದಿದ್ದು , ದಾಸನ್ ಸಮುದ್ರಪಾಲಾದರೆ ಉಳಿದವರು ಈಜಿ ದಡ ಸೇರಿದರು. ಈ ಪೈಕಿ ನಾಲ್ವರು ಗಾಯಗೊಂಡಿದ್ದಾರೆ ಎಂದು ತಿಳಿದುಬಂದಿದೆ.