ಬೆಂಗಳೂರು : ನಗರದ ಹೆಚ್.ಎಸ್.ಆರ್ ಲೇಔಟ್ನಲ್ಲಿ ಕಾರಿನ ಗ್ಲಾಸ್ ಒಡೆದಿರುವ ಖದೀಮರು ಬೆಲೆಬಾಳುವ ವಸ್ತುಗಳನ್ನು ಕದ್ದೊಯ್ದಿದ್ದಾರೆ. ಚೇತನ್ ಪ್ರಕಾಶ್ ಎಂಬುವರು ತಮ್ಮ ಕಾರನ್ನ ಯುನಿವರ್ಸೆಲ್ ಮೊಬೈಲ್ ಶಾಪ್ ಬಳಿ ಪಾರ್ಕ್ ಮಾಡಿ ಶಾಪಿಂಗ್ಗೆ ಹೋಗಿದ್ದರು. ಈ ವೇಳೆ ಕಾರಿನ ಹಿಂಬದಿ ಗ್ಲಾಸ್ ಒಡೆದು ಲ್ಯಾಪ್ ಟಾಪ್, ಚೆಕ್ ಬುಕ್, ಬ್ಲೂಟೂತ್ ಹೆಡ್ ಫೋನ್, ಬ್ಯಾಗ್ ನಲ್ಲಿದ್ದ ದುಬಾರಿ ಬೆಲೆಯ ಮೊಬೈಲ್ ಸೇರಿ ಪ್ರಮುಖ ದಾಖಲೆಗಳು ಮತ್ತು ಕಾರಿನಲ್ಲಿದ್ದ 15 ಸಾವಿರ ರೂಪಾಯಿ ಹಣವನ್ನ ಕದ್ದು ದುಷ್ಕರ್ಮಿಗಳು ಪರಾರಿಯಾಗಿದ್ದಾರೆ. […]

ಚಿಕ್ಕಮಗಳೂರು : ನಗರದ ಐ ಜಿ ರಸ್ತೆಯಲ್ಲಿರುವ ದಿ ಲೋಟಸ್ ಲಾಡ್ಜ್ ಒಳಗೆ ಮಂಗಳವಾರ ಮುಂಜಾನೆ ಜೀಪೊಂದು ನುಗ್ಗಿದ್ದು, ಲಾಡ್ಜ್ ಸಿಬ್ಬಂದಿಗಳು ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ಕಡೂರಿನಿಂದ ಬರುತ್ತಿದ್ದ ಜೀಪ್ ಲಾಡ್ಜ್ ನ ರಿಸೆಪ್ಷನ್ ಬಳಿ ಒಳ ನುಗ್ಗಿದೆ. ಮುಂಭಾಗದ ಗ್ಲಾಸ್ ಗೋಡೆ ಸಂಪೂರ್ಣ ಪುಡಿ ಪುಡಿಯಾಗಿದೆ. ರೆಸೆಪ್ಶನ್ ಬಳಿ ಹೋಟೆಲ್ ಸಿಬ್ಬಂದಿಗಳು ಮಲಗಿದ್ದರು. ಜೀಪು ನುಗ್ಗಿದ ರಭಸಕ್ಕೆ ಕಕ್ಕಾಬಿಕ್ಕಿಯಾಗಿ ಅವರು ಓಡಿದ್ದರಿಂದ ಪ್ರಾಣಾಪಾಯದಿಂದ ಪಾರಾಗಿದ್ದಾರೆ. ನಗರ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.