ಮಂಗಳೂರು: ದಕ್ಷಿಣ ಕನ್ನಡದಲ್ಲಿ ನಿನ್ನೆ ಸುರಿದ ಭಾರಿ ಮಳೆಗೆ ಕಾಲುಸಂಕ ದಾಟುತ್ತಿದ್ದ ವೇಳೆ ವ್ಯಕ್ತಿಯೊಬ್ಬರು ನೀರುಪಾಲಾಗಿದ್ದು, ಅವರ ಮೃತದೇಹ ಇಂದು ಪತ್ತೆಯಾಗಿದೆ. ಮರೋಡಿ ಮಡ್ಯರಪ್ಪು ನಿವಾಸಿ ಬೊಯಿದಾಸ( 65 ) ಮೃತಪಟ್ಟ ವ್ಯಕ್ತಿ. ಮರದ ಕಾಲುಸಂಕ ದಾಟುತ್ತಿದ್ದ ವೇಳೆ ಆಕಸ್ಮಿಕವಾಗಿ ತೋಡಿಗೆ ಬಿದ್ದು ಅವರು ನೀರು ಪಾಲಾಗಿದ್ದರು. ಬೆಳ್ತಂಗಡಿ ತಾಲೂಕಿನ ಮರೋಡಿಯಲ್ಲಿ ಈ ಘಟನೆ ನಡೆದಿದ್ದು ರವಿವಾರ ಸಂಜೆ ನಾರಾವಿಗೆ ತೆರಳಿ ವಾಪಾಸು ಆಗುತ್ತಿದ್ದಾಗ ಮನೆಯ ಎದುರಿನ ತೋಡು ದಾಟುತ್ತಿದ್ದ ವೇಳೆ ಈ ದುರ್ಘಟನೆ ಸಂಭವಿಸಿತ್ತು.