ಮಂಗಳೂರು  : ನಗರದ ಹೃದಯ ಭಾಗ ಜಿ.ಹೆಚ್.ಎಸ್. ರಸ್ತೆಯಲ್ಲಿ ಹೆಬ್ಬಾವು ಕಾಣಿಸಿಕೊಂಡಿದೆ. ಇದನ್ನು ಗಮನಿಸಿದ ಕೆಲವು ಪಾದಚಾರಿಗಳು ಗಲಿಬಿಲಿ ಗೊಂಡಿದ್ದರು. ಈ ವೇಳೆ ಕೆಲವರು ತರಕಾರಿಗಳನ್ನಿಡುವ ಟ್ರೇಯನ್ನು ಹೆಬ್ಬಾವು ಮೇಲೆ ಹಾಕಿ ಅದು ಚಲಿಸದಂತೆ ಮಾಡಿದ್ದಾರೆ. ಬಳಿಕ ಪೈಪ್‌ವೊಂದರ ಮತ್ತೊಂದು ಭಾಗದಲ್ಲಿ ಗೋಣಿಚೀಲವನ್ನಿಟ್ಟು ಪೈಪ್‌ನೊಳಗೆ ಹಾವು ಹೋಗುವಂತೆ ಮಾಡಲಾಯಿತು. ಗೋಣಿ ಚೀಲದೊಳಗೆ ಹೋದ ಹೆಬ್ಬಾವನ್ನು ಬಳಿಕ ಸುರಕ್ಷಿತ ಸ್ಥಳಕ್ಕೆ ಬಿಡಲಾಯಿತು.