ಮಂಗಳೂರು : ಕಂಟೈನರ್ ಜಾರಿ ಕ್ಯಾಬೀನ್ ಮೇಲೆ ಬಿದ್ದು ಚಾಲಕ ಸ್ಥಳದಲ್ಲೇ ಮೃತ್ಯು
Thursday, November 7th, 2019
ಮಂಗಳೂರು : ಮಂಗಳೂರು ನಗರದ ಹೊರವಲಯದಲ್ಲಿನ ಎನ್‌ಎಂಪಿಟಿ ಹಾರ್ಬರ್‌ನಲ್ಲಿ ಶಿಪ್‌ವೊಂದಕ್ಕೆ ರಫ್ತು ಮಾಡುತ್ತಿದ್ದ ಕಂಟೈನರ್ ಪಲ್ಟಿಯಾಗಿ ಕಾರ್ಮಿಕನೋರ್ವ ಸ್ಥಳದಲ್ಲೇ ಮೃತಪಟ್ಟ ಘಟನೆ ಬುಧವಾರ ತಡರಾತ್ರಿ ನಡೆದಿದೆ. ವಾಮಂಜೂರು ನಿವಾಸಿ ವಿನೋದ್ ಪೂಜಾರಿ (50)ಮೃತರು ಎಂದು ಗುರುತಿಸಲಾಗಿದೆ. ಬುಧವಾರ ತಡರಾತ್ರಿ ಶಿಪ್‌ವೊಂದಕ್ಕೆ ರಫ್ತು ಮಾಡಲು ಕಂಟೈನರ್‌ನ್ನು ಸಾಗಿಸಲಾಗುತ್ತಿತ್ತು. ಈ ವೇಳೆ ಟರ್ನಿಂಗ್‌ನಲ್ಲಿ ಕಂಟೈನರ್ ಗಾಡಿಯಿಂದ ಜಾರಿ ಲಾರಿ ಕ್ಯಾಬೀನ್ ಮೇಲೆ ಬಿದ್ದಿದೆ. ಪರಿಣಾಮ ವಿನೋದ್ ಸ್ಥಳದಲ್ಲೇ ಮೃತಪಟ್ಟಿದ್ದಾರೆ. ಗಾಡಿಯ ಟ್ರೇಲರ್‌ಗಳಿಗೆ ಸೆಫ್ಟೀ ಲಾಕ್ ಹಾಕಿದ್ದರೆ ಇಂತಹ ಅವಘಡ ಸಂಭವಿಸುತ್ತಿರಲಿಲ್ಲ ಎನ್ನಲಾಗಿದೆ. […]
