ಮಂಗಳೂರು: ಸಿದ್ದಾಂತ ಮಂದಿರದಿಂದ ಕಳವಾದ ವಿಗ್ರಹಗಳು ಪೊಲೀಸ್ ಆಯುಕ್ತರ ಕಚೇರಿಗೆ ಅಂಚೆ ಮೂಲಕ ಬಂದಿದ್ದರೂ ಅದನ್ನು ಮರೆಮಾಚುವ ಸಲುವಾಗಿ ತಾವೇ ಛತ್ತಿಸ್‍ಗಡದಿಂದ ವಶಪಡಿಸಿಕೊಂಡಿದ್ದು ಎಂದು ಮಾಧ್ಯಮಕ್ಕೆ ಹೇಳಿಕೆ ನೀಡಿದ್ದ ಪೊಲೀಸ್ ಆಯುಕ್ತರು ನಿನ್ನೆ ಬೆಳಗ್ಗೆ ಪತ್ರಿಕಾಗೋಷ್ಠಿ ನಡೆಸಿ ಸಿದ್ಧಾಂತ ಮಂದಿರದ ವಿಗ್ರಹಗಳು ಅಂಚೆ ಮೂಲಕ ಬಂದಿರುವುದಾಗಿ ಒಪ್ಪಿಕೊಂಡಿದ್ದಾರೆ. ಸ್ಪೀಡ್‍ಪೋಸ್ಟ್ ಮೂಲಕ ಮಂಗಳೂರು ಪೊಲೀಸ್ ಆಯುಕ್ತರ ಕಚೇರಿಗೆ ಬಂದಿದ್ದ ವಿಗ್ರಹಗಳನ್ನು ಒರಿಸ್ಸಾ ರಾಜಧಾನಿ ಭುವನೇಶ್ವರದಿಂದ ಕಳುಹಿಸಲಾಗಿದ್ದರೂ ಪೊಲೀಸರು ಮಾತ್ರ ಛತ್ತೀಸ್‍ಗಡದ ಹೆಸರನ್ನು ಪದೇ ಪದೇ ಬಳಸುತ್ತಿರುವುದು ಶಂಕೆಯನ್ನುಂಟು ಮಾಡಿದೆ. […]